Ораза мерекесі айттың басталуына санаулы күндер қалды,мұсылман қауымы үшін ең қасиетті ұлы мереке - Ораза айт . . Мұсылман үшін Ораза айт — Рамазан айының қасиетті күндерімен қоштасу. Бұл мерекені ізгі істермен, жақын-жұрағаттарға деген ерекше қамқорлықпен, мүсәпір, жетім - жесірлерге қайырымдылық көрсетумен атап өту керек.

Айт күндері айт намазын оқумен басталып, осы күнге аман-сау жеткізгені үшін Жаратқанға мадақтар айтылып, шейіт болған әруақтарға құран бағышталады. Мұсылман бауырлар бірінің шаңырағына бірі бас сұғып, есен-саулық сұрасып, бір-біріне денсаулық, жақсылық тілейді.

Бұл мереке адамдар жүрегіне жақсылық пен қайырымдылық ұялатады.

Алла тағаланың разылығы үшін мал шалынып, кең дастархан жайылып, еңбектеген сәбиден,еңкейген кәріге дейін шат-шадыман қуанышқа бөленетін бұл ұлы мейрам Қазақстан жұртшылығына  ырыс пен береке әкелсін!